Мейвезер мен Макгрегор реванш өткізу туралы келісімге келді

The Sports Journal ақпаратына сенсек боксшы Флойд Мэйвезер мен жеңіл салмақтағы UFC-дің бұрынғы чемпионы Конор Макгрегор реванш өткізу туралы келісімге келді, деп жазады vringe.com.

Екеуі арасында өткен алғашқы кездесуде оныншы раундта американдық техникалық нокаутпен жеңіске жеткен.

Дереккөздің мәліметінше екінші кездесу де бокс ережесіне сай өтеді. Әр раунд бес минутқа созылады. 

Ертеректе Мейвезер ММА үшін спорттық мансабын қайта бастауға дайын екендігін жеткізген.