«Қазцинк-Торпедо» екінші орынға сырғыды

<p style="text-align: justify;"> <strong>Өскемен қаласының &laquo;Қазцинк-Торпедо&raquo; хоккей клубы өз алаңында &laquo;Торос&raquo; (Башқұртстан, Нижнекамск) командасына жол беріп қойды.</strong></p> <p style="text-align: justify;"> Бұл матчта қонақтардың ойыны жүрді. Бірінші кезеңнің екінші минутында олар есепті ашып, артынан шебер қорғана білді. Ал екінші кезеңде таразы басын 0:3-ке дейін жеткізді. &laquo;Қазцинк-Торпедо&raquo; қанша тырысқанымен, есепті теңестіре алмады. Үшінші кезеңде &laquo;Торостың&raquo; қақпасына бір-ақ шайба соғылды. Осымен ойын да аяқталды. Қорытынды есеп - 1:3.</p> <p style="text-align: justify;"> Осылайша, екі команданың жалпы ұпай саны теңесті. Әрбіреуінде - 33 ұпай. Алайда қарсыластың қақпасына соққан шайбалардың саны жағынан &laquo;Торос&raquo; алда тұр. Сондықтан ол жалпы турнирлік кестенің бірінші орнына көтерілді. Ал көптен бері оқ бойы озық тұрған &laquo;Қазцинк-Торпедо&raquo; екінші орынға сырғыды.</p> <p> &nbsp;</p>