Зарина Дияс Майамидегі турнирдің 1/8 финалына шықты
Қазақстанның және әлемнің спорт жаңалықтарына жазылыңызҚазақсандық теннисші Зарина Дияс Майамидегі WTA турнирінің 1/8 финалына шықты.
Жарыстың үшінші айналымында жерлесіміз неміс теннисшісі Карина Виттхёфтты жеңді.
Кездесу барысында Заринаны жарақаты мазалап бірнеше рет медициалық көмек алуға мәжбүр болды.
Ойынның алғашқы сетінде Зарина Дияс 4:6 есебімен жеңіліп қалған болатын. Алайда қалған екі сетте жерлесіміз жинақылық танытып 7:5, 6:0 есебімен жеңіске жете алды.
Естеріңізде болса, Зарина алғашқы айналымда жергілікті теннисші Дженнифер Брэдиден басым түсті.
Ал екінші айналымда ресейлік Светлана Кузнецовадан айласын асырды.
Енді қазақстандық теннисші 1/8 финалда чехиялық Каролина Плишковамен кездеседі.