Әлем кубогында спринт сайысында Еремин 22-ші болды

Норвегияның Холменколлен қаласында биатлоннан Әлем кубогының сегінші кезеңінде ерлер арасындағы спринт сайысы аяқталды, деп хабарлайды Prosports.kz сайты ҰОК баспасөз қызметіне сілтеме жасап. 

Жарыстың қорытындысы бойынша жеңіс норвегиялық Хенрик Л’Абе-Лундке бұйырды. Екінші орынды оның отандасы Йоханнес Бе иеленді. Үздік үштікті франциялық Мартен Фуркад қорытындылады. 

Қазақстандықтар арасында үздік нәтижені Роман Еремин көрсетті - 22-ші орын. Владислав Витенко, Василий Подкорытов пен Максим Браун үшін спринт сәтсіз аяқталды. 

Биатлоннан әлем кубогының VIII кезеңі, Холменколлен, Норвегия 

Ерлер, спринт, 10 шақырым 

1. Хенрик Л’Абе-Лунд (Норвегия) – 26:10.3 

2. Йоханнес Бё (Норвегия) - +6.1 

3. Мартен Фуркад (Франция) - +6.9 

… 22. Роман Еремин (Қазақстан) - +1:08.1 

81. Владислав Витенко (Қазақстан) - +2:52.7 

98. Василий Подкорытов (Қазақстан) - +5:04.4 

100. Максим Браун (Қазақстан) – +5:46.2