Олимпиада жеңімпаздарын марапаттау кезінде медальдарды шатастырып алды

Пхёнчханда өткен Ақ Олимпиадада 24 ақпанда америкалық керлингшілер қызық жағдайға тап болды. 

Бұл туралы “Главред” сайтына сілтеме жасап Stan.kz хабарлайды. 

«АҚШ-тың керлинг бойынша ерлер құрамасы өздеріне «әйелдер керлингі бойынша алтын медаль» деген жазуы бар жүлде берілгенін енді ғана байқады. Олардың жаттықтырушысы мән-жайды анықтап жатыр», – деп жазды америкалық ESPN спорт арнасының журналисі Алисса Ренигк Twitter желісіндегі парақшасында. 

Сондай-ақ, журналист болған жайға таңданып тұрған америкалық спортшылардың суретін жариялады.