Олимпиада-2018: Оныншы жарыс күнінің қорытындысы

<span>18 ақпанда, Пхенчхандағы Олимпиада ойындарында Алты отандасымыз үш спорт түрінен бақ сынады. Алайда, олар команда қоржынына жүлде сала алған жоқ, деп хабарлайды prosports.kz сайты. <br /></span><br /><span>Қазақстандық спортшылар арасынан алғаш болып жарыс жолына Игорь Закурдаев шықты. Тау шаңғысы спортынан алып слалом жарысында бақ сынаған Закурдаев бар болғаны 51-ші орыннан ғана көріне алды.<br /></span><br /><span>Ал шаңғы жарысының ерлер арасындағы эстафета жарысына қатысқан отандастарымыз 8-ші болып мәре сызығын кесті. Қазақстан құрамасының сапында Алексей Полторанин, Евгений Величко, Денис Волотка, Виталий Пухкало төрттігі өнер көрсетті.<br /></span><br /><span>Конькимен жүгіру спортынан бәсекеге түскен жерлесіміз Екатерина Айдова 500 метр қашықтықты 38.96 уақытта жүгіріп өтіп, 21-ші орынға табан тіреді. </span>

<span>Екатерина бұған дейін 1000 метрге жүгіруден 24-ші, 1500 метрге жүгіруден 18-ші орын алған болатын.<br /></span><br /><span>Осылайша, Олимпида ойындарының оныншы күнінде де спортшыларымыз жүлделі орынға жете алмады.</span>