Ресейлік сноубордшы Олимпиадада аяғын сындырып алды

Ресейлік спортшы Николай Олюнин Пхенчхандағы қысқы Олимпиадада құлап қалып, сноуборд-кросстың финалына шыға алмады.

26 жастағы сноубордшы 10 минут бойы жарыс жолында жатып, өз аяғымен тұрып кете алмады. Сондықтан, оған медициналық көмек көрсетіліп, ауруханаға жеткізілді. Бапкерлік штаб өкілінің мәліметіне сүйенсек, құлаған кезде Олюнин аяғын сындырып алған.