Павел Колмаков: Суперфиналға шығу үшін сәл жетпеді

Қазақстандық могулшы Павел Колмаков Пхёнчхандағы Олимпиада ойындарындағы 7-ші орны туралы айтып берді.

- Әрине, үздік алтылыққа енгім келген. Бірақ сәл ғана жетпеді.

- Төрешілер ұпайыңызды төмендетіп қойған секілді көрінді.

- Олай айту қиын. Мен олардың орнында болған жоқпын ғой.

- Бүгін құлаған спортшылар көп болды.

- Трасса күрделі болды. Бұған қоса, көп могулшылар қобалжып, қателіктер жібере бастады.

- Жарыстан қандай әсер алдыңыз?

- Қуандым немесе өкіндім деп айта алмаймын. Бірдеңені соңына дейін жеткізбеген сияқты болдым.