Олимпиада-2018: жарыстың бюджеті 2,4 млрд доллар

Биыл Пхенчханда өтетін қысқы Олимпиаданың бюджеті 2,4 млрд долларды құрады. Бұл туралы ХОК басшысы Томас Бах айтты.

Бахтың айтуынша, Олимпиада нысандарының бәрі жарысты өткізуге дайын. Биылғы Олимпиада әлемнің 92 елінен спортшылар жиналмақ. Бұл қысқы Олимпиада рекорды саналады. Ал билеттердің 78 пайызы сатылып кеткен.

Айта кетейік, 9 ақпанда Оңтүстік Кореяда қысқы Олимпиада ойындары басталады.