Конькишілеріміз Оңтүстік Кореяның Пхенчхан қаласындағы олимпиадалық қалашыққа барып орналасты, деп хабарлайды Prosports.kz сайты Ұлттық олимпиадалық комитеттің баспасөз қызметіне сілтеме жасап.
Бүгін Оңтүстік Кореяның халықаралық әуежайында қазақстандық могулшылар,<span> </span>шана<span> </span>мен тау шаңғы спортшылары және шорт-трекшілерді қарсы алады. Бұған дейін<span> </span>хабарлағанымыздай, Қазақстан құрамасы XXIII қысқы Олимпиадаға 57 жолдама жеңіп алған болатын. Отандастарымыз спорттың 9 түрінен сынға түседі. Қазір спортшылар соңғы оқу-жаттығу жұмыстарын жүргізіп жатыр.
Олимпиада қалашығына қазақстандық спортшылардың алғашқы легі 1 ақпан күні барып орналасты. Ал соңы 7 ақпанға дейін барады. Бұл күні Олимпиада қалашығында қазақтың көк байрағы көтеріледі. Олимпиада ойындары ақпанның 9-25 аралығында өтеді. Олимпиаданың ашылу салтанатында ел туын шорт-трекші Абзал Әжғәлиев ұстап шығады.