Пхенчханда ертең «Олимпиадаға қош келдіңіздер» атты ресми шара өтеді

<span>Оңтүстік Кореяның Пхенчхан қаласы 1-ші ақпан күні олимпиадашыларға «Олимпиадаға қош келдіңіздер!» атты ресми шара өткізеді, деп хабарлайды ҚазАқпарат сайты.</span>

<span>Бұл туралы сол елдің Олимпиада ойындарын ұйымдастыру комитеті мәлімдеді. Аталған ақпаратта «Олимпиада қалашығына қош келдіңіздер! атты арнайы іс шара 1-ші ақпан, яғни бейсенбі күні жергілікті уақыт бойынша сағат 14:00-де басталады», - деп көрсетілген.</span>

<span> Осыған дейін хабарлағанымыздай, қазақстандық спортшылардың алғашқы легі Пхенчханға 1-ші ақпан күні барып орналаса бастайды. Ал соңы 7-ші ақпанға дейін жетіп болуы тиіс. Бұл күні Олимпиада қалашығында қазақтың көк байрағы көтеріледі.</span>

<span> Естеріңізге сала кетейік, Қазақстан құрамасы Олимпиадаға 57 жолдама жеңіп алған болатын. Отандастарымыз спорттың 9 түрінен сынға түседі. Олимпиада ойындары ақпанның 9-25 аралығында өтеді.</span>

<br /><br />