«Барыс» сырт айдында «Куньлунь Ред Стар» командасын жеңді

<span>Құрлықтық хоккей лигасында (ҚХЛ) соңғы ойындарының бірін Астананың «Барысы» Бейжіңде «Куньлунь Ред Стар» командасымен өткізіп, 4:0 есебімен жеңіске жетті.</span>

<span>Бірінші кезеңде есеп ашылған жоқ. Кездесудің екінші бөлігінде команда капитаны Найджел Доус пен Дмитрий Шевченко мергендіктерімен көзге түсті. Үшінші кезеңде де қарқынын төмендетпеген астаналықтардан Роман Савченко пен Дмитрий Гурков есепті 4:0-ге жеткізді. </span>

<span>Осылайша, 74 ұпаймен Шығыс конференциясында оныншы орынға ие болған астаналықтар плей-офф бәсекесіне шыға алмады. Қазіргі кезде Олимпиада ойындарына байланысты ҚХЛ-да үзіліс жарияланды. Биылғы маусымда «Барыстың» бір ғана ойыны қалды. 1 наурыз күні Ғалым Мәмбетәлиевтің шәкірттері елордада «Авангард» (Омбы) командасын қабылдайды.  Бірақ бұл ойын ештеңені шешпейді. </span>

<span>«Барыс» хоккейшілерінің көпшілігі Қазақстан құрамасында ойнайтындықтан, ендігі міндет - сәуір айында Венгрия астанасы Будапеште өтетін бірінші дивизион командалары арасында өтетін әлем чемпионатына тыңғылықты дайындалу. Онда қазақстандықтар элиталық топқа берілетін жолдаманы жеңіп алу үшін барын салатын болады. </span>

<br /><br />