Жастар құрамасының әлем біріншілігіндегі қарсыластары белгілі

Хоккейден жастар арасындағы әлем чемпионаты Канаданың Ванкувер мен Виктория қаласында өтеді.

Аталмыш турнир 2018 жылдың 26 желтоқсанында басталып, 2019 жылдың 5 қаңтарында аяқталады.

Қазақстан жастар құрамасы «В» тобында Финляндия, Словакия, Швеция және АҚШ құрамаларымен күш сынасады. Канада, Чехия, Дания, Ресей мен Швейцария құрамалары «А» тобында мықтыны анықтайды.

Екі топта соңғы орын алған командалар элиталық дивизиондағы орнын сақтап қалу үшін тартысады.

«В» тобының ойындарын Виктория қаласы қабылдайды.