Қазақстандық хоккей командалары кезекті кездесулерінде жеңіске жетті

Жоғары хоккей лигасында(ВХЛ) кезекті ойындарын өз алаңдарына қабылдаған қарағандылық «Сарыарқа» мен өскемендік «Торпедо» командалары қарсыластарынан басым түсті.

«Сарыарқа» самаралық ЦСК ВВС командасын 10:3 есебімен ойсырата ұтты. Қарағандылықтар бірінші периодта екі шайба, екінші жиырма минутта жеті шайба, ойынның соңғы бөлегінде бір шайба соқты. Ал қарсыластары үш шайбасын да екінші периодта салды.

Шайба соққанда: Олег Ломако(2), Роман Дюков, Илья Антоновский, Кирилл Тамбиев, Дмитрий Желнеровский(2),

Даниил Ердаков(2), Станислав Альшевский.

Қарсыластар тарапынан үш шайбаны Сулейменов, Патрикеев және Семенов соқты.

Ал «Торпедо» Қазаннан қонаққа келген «Барсты» 2:0 есебімен тізе бүктірді.

Қос шайбаны Тэннер Соренсон мен Роман Бердников өз еншілеріне жазды.