Қазақстан U-20 әлем чемпионатында кезекті жеңісіне қол жеткізді

Сергей Старыгин шәкірттері біріншілік аясында алғашқы рет негізгі уақытта жеңіске жетті.

<span>2017 жылғы хокейден жастар арасындағы әлем чемпионтаныда А тобында өнер көрсететін 20 жасқа дейінгі Қазақстан құрамасы І дивизионда өзінің үшінші кездесуін жеңіспен аяқтап, Венгрия құрамасын тізе бүктірді, деп хабарлайды.</span><br /><br /><span>13 желтоқсан күні өткен кездесу 5:3 есебімен Қазақстан құрамасының жеңісімен аяқталды. </span><br /><br /><span>Бірінші болып Венгрия құрамасы сан басымдылығын пайдаланып, Кристоф Папптың жеке шеберлігімен ойынның 8 минутында есеп ашты. Алайда қазақстандықтар үзіліске дейін есепті теңестіріп қана қоймай, алға шығып үлгерді. Алдымен оныншы минутта Саян Данияр көзге түссе, араға жеті минут салып, Артур Гатитятов қақпаны дәл көздеді. </span><br /><br /><span>Екінші кезеңде Сергей Старыгин баптайтын хоккейшілер қарсылас ойыншының алаңнан қуылуын пайдаланып, есепті еселей түсті. Бұл жолы шайбаны ойынның 26 минутында Виталий Орехов өз есебіне жазды.</span><br /><br /><span>Венгрия құрамасы соңғы кезеңдегі 5 минут ішінде 2 шайба соғып есепті теңестірді. </span><br /><br /><span>Алайда матчтың аяқталуына 5 минут қалғанда Әділ Бекетаев Қазақстан құрамасын алға шығарды (4:3) және Никита Назаренко ойынның 58 минутында ашық қалған қақпаға шайба соғып, матчтың нүктесін қойды (5:3).</span><br /><br /><span>Айта кетейік Жастар арасындағы әлем чемпионатының бірінші матчында Қазақстан құрамасы овертаймда 3:2 есебімен Германияны, содан кейін буллиттер сериясында 3:2 есебімен Латвияны жеңген болатын. </span><br /><br /><span>15-желтоқсан күні Қазақстан құрамасы әлі ұпай алмаған Австрия құрамасымен кездеседі.</span><br /><br /><span>А тобының ойындары Францияның Куршевел қаласында өтіп жатыр. Турнирге Франция, Қазақстан, Германия, Латвия, Венгрия және Австрия құрамалары қатысуда. </span><br /><br /><span>I дивизионның А тобы, жастар арасындағы халықаралық дәрежедегі екінші деңгейлі топқа жатады. А тобында үздік шыққан құрама элит дивизионына тікелей жолдамаға ие болады.</span><br /><span>Соңғы рет Қазақстан жастар құрамасы элит дивизионда 2009 жылы өнер көсеткен еді.</span>