Канадалық хоккейші «Барысқа» ауыспақ

Канадалық қорғаушы Джордон Сауторн елордалық «Барысқа» ауысады.

Шайба.kz сайтының ақпаратына сүйенсек, хоккейші Астанаға келе жатыр. Осы маусымды 27 жастағы хоккейші өскемендік «Торпедо» сапында бастап, 6 матч өткізген. Былтыр ЖХЛ тұрақты чемпионатында 47 матч, плэй-офф кезеңінде 21 ойын өткізген.

Бұған дейін  Сауторн Америка хоккей лигасы мен Шығыс жағалауының хоккей лигасында өнер көрсетті.