Найджел Доус: Қазақстан құрамасының намысын қорғағым келеді

«Барыс» клубының шабуылшысы Найджел Доус ұлттық құрама намысын қорғағысы келетінін айтты. Бұл жайлы ТАСС басылымы хабарлады.

Айта кететін жайт, Доус 2016 жылы Қазақстан құрамасының намысын қорғау құқығын алған.

«Менің Қазақстан үшін ойнағым келеді. Қазақстан құрамасында жақсы ойыншылар жинақталған. Алайда мен шешімді маусым соңында қабылдаймын», - деді Найджел Доус.

Айта кетейік, Қазақстан құрамасы әлем чемпионатының бірінші дивизионының А тобында күш сынаспақ. Турнир 2018 жылдың 22-28 сәуір айында Будапешт қаласында өтеді.