Қазақстан құрамасы Италиямен кездеседі

Әлем чемпионатына дайындық барысында Қазақстан құрамасы Италияға қарсы жолдастық кездесу өткізеді. Матч 19 сәуірде Энье қаласында өтеді. Бұл туралы Шайба.kz хабарлады.

Ойын жергілікті уақытпен 19:30-да бастау алады.

Естеріңізге сала кетсек, әлем чемпионаты бірінші дивизионының «А» тобындағы матчтар 22-28 сәуір арасында Киевте өтеді. Элиталы дивизионға берілетін екі жолдамаға Қазақстан, Украина, Австрия, Польша, Венгрия және Оңтүстік Корея құрамалары таласады.