«Барыс» плэй-офф аймағынан шығып қалды

Елордалық «Барыс» Құрлықтық хоккей лигасының Шығыс конференциясында плэй-офф аймағынан шығып қалды.

Новосібірлік «Сибирь» сырт айдында загребтік «Медвешчакты» 2:0 есебімен жеңген соң, астаналық ұжымды плэй-офф аймағынан шығарып тастап, 8-ші орынға көтерілді.

«Барыс» 33 матчтан кейін 47 ұпай еншілесе, «Сибирь» 37 ойыннан соң 48 ұпай жинады.

Елордалық ұжымнан кейін 10-шы орында Андрей Назаров жаттықтыратын «Нефтехимик» тұр - 34 кездесуден соң 47 ұпай.