Мырзағали Айтжанов: «Әлі тоғыз боксшымыз бар, қызықтың көкесі енді басталады»

<p style="text-align: justify;"> <strong>Бокстан Қазақстан ұлттық құрамасының бас бапкері Мырзағали Айтжановтың айтуынша,&nbsp;</strong><strong>Берік Әбдірахмановтың қарсыласы шын мәнінде мықты екенін мойындатты. Бұл туралы Nur.kz мәлім етті.</strong></p> <p style="text-align: justify;"> &laquo;Бүгін өздеріңіз көргендей, Берік Әбдірахманов АҚШ боксшысынан ұтылып қалды. Біздің жігіт осыған дейін бұл боксшымен кездесіп көрмеген. Бірінші рет көріп отырмыз. Жап-жас бала. Жас болса да талантты екені көрініп тұр&raquo;, - деп атап өтті бас бапкер.</p> <p style="text-align: justify;"> Сондай-ақ, Айтжанов оның өте жылдам қимылдайтын боксшы екенін де ашып айтты.</p> <p style="text-align: justify;"> &laquo;АҚШ боксшысы алғашқы раундтардан-ақ өте ширақ қимылдады. Екінші раундта тізгінді өз қолына алды. Берік үшінші раундта бар күшін салғанымен бәрі кеш болды. Негізі алғашқы жекпе-жегіміз жеңіспен басталғанда дұрыс болар еді. Бірақ, алда тоғыз жігітіміз бар. Қызықтың көкесі енді басталады. Сондықтан өзіміздің елге берген уәдемізді орындауға, алдымызға қойған мақсатқа жетуге әлі мүмкіндік бар&raquo;, - деп атап өтті Айтжанов.</p> <p style="text-align: justify;"> Естеріңізге сала кетейік, Рио-де-Жанейрода өтіп жатқан ХХХІ Олимпиада ойындарында 60 келіде өнер көрсеткен боксшымыз Берік Әбдірахманов бірінші жекпе-жегінде ұтылып қалған болатын.</p> <p style="text-align: justify;"> Ол алғашқы айқасында АҚШ спортшысы Карлос Баль Дераспен жұдырықтасты.</p> <div> &nbsp;</div>