Қазақстан Риодағы Олимпиада ойындарына аз құраммен қатысқалы отыр

<div style="text-align: justify;"> <strong>Бразилияда осы аптада жазғы олимпиада ойындары ашылады. Қазақстан құрамасында мәртебелі жарысқа тұңғыш рет қатысып жатқандармен бірге олимпиада жеңімпазы мен жүлдегері атанғандар да бар.</strong></div> <div style="text-align: justify;"> &nbsp;</div> <div style="text-align: justify;"> Nur.kz сайтының ақпаратына сүйенсек, Қазақстан Рио-де-Жанейро қаласында өткелі отырған жазғы Олимпиада ойындарына әу баста 108 жолдамаға ие болған еді. Бірақ олимпиада қарсаңында теннисшілер Михаил Кукушкин мен Юлия Путинцеваның жарақат алуы себепті Риодағы ойындарға қатыспайтыны белгілі болды. Ереже бойынша, олардың жолдамасы басқа қазақстандық теннисшілерге берілмейді.</div> <div style="text-align: justify;"> &nbsp;</div> <div style="text-align: justify;"> Бұдан бөлек, халықаралық ауыр атлетика федерациясы биыл допинг жанжалына байланысты Қазақстан құрамасын екі лицензиядан (1-ер және 1-әйел) айырған.</div> <div style="text-align: justify;"> &nbsp;</div> <div style="text-align: justify;"> Осылайша, Қазақстан құрамасынан бұл жолы жазғы олимпиадаға барлығы 104 спортшы қатысады.</div> <div style="text-align: justify;"> &nbsp;</div> <div style="text-align: justify;"> Атап айтқанда, бокстан 12 спортшы (он жігіт пен екі қыз), еркін күрес - 5, грек-рим күресі - 3, әйелдер күресі - 4, тас жолдағы веложарыс - 2, велотрек - 1, көркем гимнастика - 1, акробатика - 1, қайықта ескек есу - 2, байдарка және каноэ - 11, кедергілер арқылы ескек есу - 1, дзюдо - 6, жеңіл атлетика - 26, суға жүзу - 3, мәнерлеп жүзу - 2, бессайыс - 2, садақ ату - 2, нысана көздеу - 5, таеквондо - 3, теннис - 2, үстел теннисі - 1, ауыр атлетика &ndash; 8 және семсерлесу бойынша 1 адам Қазақстанның атынан сынға түседі.</div> <div style="text-align: justify;"> &nbsp;</div> <div style="text-align: justify;"> Бұған дейін, 1996 жылғы Атланта олимпиадасын (96 спортшы) есептемегенде, Қазақстан жазғы олимпиада ойындарына 110 спортшыдан кем апармайтын.</div> <div style="text-align: justify;"> &nbsp;</div> <div style="text-align: justify;"> Велоспорттан жастар арасындағы әлем чемпионы Алексей Луценко да олимпиада басталуға бір апта қалғанда жаттығу кезінде жарақат алып, Бразилиядағы жарысқа бара алмайтыны белгілі болды. Оның орнына қазақстандық велоспортшы Андрей Зейц қатысады.</div> <div style="text-align: justify;"> &nbsp;</div> <div style="text-align: justify;"> Бұған дейін Сидней, Афина, Пекин және Лондон ойындарында командалық спорттың кем дегенде бір түрінен бәсекеге араласып келген Қазақстан Риода командалық спорт түрлерінен сынға қатыспайды. Волейбол мен регбиден әйелдер құрамасы, су добынан ерлер мен әйелдер құрамалары іріктеуге қатысқанымен, жолдамаға қол жеткізе алмады.</div> <div style="text-align: justify;"> &nbsp;</div> <div style="text-align: justify;"> Тамыздың 5-і күні Рио-де-Жанейро қаласында 31-жазғы олимпиада ойындарының ашылу салтанатында Қазақстан туын таэквондошы Руслан Жапаров ұстап шығады.</div> <div style="text-align: justify;"> &nbsp;</div> <div style="text-align: justify;"> Тамыздың 21-іне дейін жалғасатын Рио олимпиадасында спорттың 28 түрінен 306 медаль жиынтығы сарапқа салынады.</div> <div> &nbsp;</div>