Елордада алғаш рет үшсайыстан жарыс өтті

<p style="text-align: justify;"> <strong>Жексенбі күні Астаналық саябақта 200 астам адам Super sprint triathlon Astana - 2016 жарысында шеберлік байқасты. Жарыс үш кезеңмен өткізілді: 350 метрге жүзу, велосипедпен 20 шақырымды бағындыру және 2,5 км жүгіру, деп хабарлайды қаланың ресми inform.kz.</strong></p> <p style="text-align: justify;"> Паркке жарысқа қатысушыларды қолдау үшін жанкүйерлер де жиналды. Спортшылар Есіл өзенінде жүзген соң велосипедке отырды. Белгіленген қашықтықты бағындырғаннан кейін жүгіруге қатысты.</p> <p style="text-align: justify;"> Астана қаласының спорт және дене шынықтыру басқармасының басшысы Берік Маржықпаев елорда тұрғындары мен қонақтарына алғыс айтып қана қоймай, өзі де жарысқа қатысты.</p> <p style="text-align: justify;"> - Жарысқа қатысқандықтан оның не екенін білемін, бұл спортта денеге ерекше талаптар қойылады. 350 метрге жүзу оңай емес екен. Бүгінгі спорт мерекесі жақсы өтті. Көңіл күй керемет. Қатысушылардың 147-сі әуесқой, 27-сі кәсіпқой спортшы, меніңше, бұл үлкен жетістік, баршаға қатысқандары үшін алғыс айтамын, - деді Берік Маржықпаев.</p> <p style="text-align: justify;"> Үшсайысқа 18 жастағы және одан асқандар қатысты. Мәреге жеткенде жеңімпаздар бірнеше санат бойынша анықталды. Әрбір қатысушының уақыты тіркеу кезінде берілген жеке чиптің көмегімен белгіленді.</p> <p style="text-align: justify;"> Ерлер арасында үш қашықтықты 54 минут 48 секундта бағындырған Александр Автушко абсолютті жеңімпаз атанды. Әйелдер арасында 1 сағат 9 минут уақыт көрсеткішімен оның жұбайы Анастасия Автушко үздік атанды. Кәсіпқойлардың спорттық әулеті триатлоннан жарысқа Шымкенттен келді.</p> <p style="text-align: justify;"> - Триатлоннан бұрыннан айналысып келеміз, мен 2002 жылдан бері , жұбайым 2008-ден бастап. Бала кезімде достарым шақырған, уақыт өте келе бұл спорт түрімен етене таныстым. Үш түрлі спорт, өте қызық. Бәрі жақсы өтті, ұйымдасқан. Бүгін ауа райы өте жақсы, - дейді Александр Автушко.</p> <p style="text-align: justify;"> Айта кетейік, ұйымдастырушылар үшсайыстан жарысты дәстүрге айналдыруды жоспарлап отыр.&nbsp;</p> <p> &nbsp;</p>