Ильиннің «алтыны» үшінші орын алған зілтеміршіге бұйыруы мүмкін

<p style="text-align: justify;"> <strong>27 шілдеде Халықаралық ауыр атлетика федерациясы (IWF) 2008 және 2012 жылдары өткен Олимпиадаларда алынған допинг-сынамалары қайта тексерудің екінші кезеңінің қорытындылары бойынша оң нәтиже көрсеткен бірқатар спортшының есімін жария етті.</strong></p> <p style="text-align: justify;"> BNews.kz порталының хабарлауынша,&nbsp;осылардың қатарында Лондон Олимпиадасында 94 келіге дейін салмақта өнер көрсеткен төрт зілтемірші бар.</p> <p style="text-align: justify;"> Олар: қазақстандық Алмас Өтешов (жетінші орын), әзірбайжандық Интигам Заиров (алтыншы орын), ресейлік Александр Деманов (төртінші орын) пен Александр Иванов (екінші орын).</p> <p style="text-align: justify;"> Лондон олимпиадасының чемпионы, қазақстандық Илья Ильиннің допинг-сынамасы да қайта тексеруден соң оң нәтиже көрсетті.</p> <p style="text-align: justify;"> Демек, үздік шыққан жеті спортшының бесеуінде допинг-сынама оң нәтиже көрсеткендіктен, Лондон ойындарының алтын медалі үшінші орынды иеленген молдовалық Анатолий Кырыкуға бұйырады.</p> <p style="text-align: justify;"> &laquo;Күміс&raquo; сол кезде бесінші болған ирандық Саед Мохаммадпурға, &laquo;қола&raquo; сегізінші орынға табан тіреген кореялық Ким Мин Джеге беріледі.</p> <p style="text-align: justify;"> Айта кетейік, қазіргі таңда Кырыку спорттан сегіз жылға шеттетілді. Ол 2015 жылғы Еуропа чемпионатының қорытындылары бойынша допингпен ұсталды. Оның қанынан метенолон табылған. Алайда, ол Лондон олимпиадасында ресми түрде таза болды.</p> <p style="text-align: justify;"> Ауыр атлетикадан Қазақстан құрамасы Рио Олимпиадасына сегіз спортшымен аттанады. Олар: Арли Чонтей (56 келіге дейін), Фархад Харки (62 келіге дейін), Нижат Рахимов (77 келіге дейін), Денис Уланов (85 келіге дейін) және Александр Зайчиков (105 келіге дейін), сондай-ақ Маргарита Елисеева (48 келіге дейін), Карина Горичева (63 келіге дейін) және Жазира Жаппарқұл (69 келіге дейін).</p> <p style="text-align: justify;"> Осыдан бірер күн бұрын ғана еліміздің бокс құрамасы да Риоға аттанып кетті.</p> <p style="text-align: justify;"> &nbsp;</p> <div> &nbsp;</div>