Бейжің Олимпиадасына қатысқан тағы 6 қазақстандық допинг күдігіне ілінді

<p style="text-align: justify;"> <strong>2008 жылғы Бейжің Олимпиадасына қатысқан алты қазақстандық спортшының допинг сынамасы оң нәтиже берген. </strong></p> <p style="text-align: justify;"> Бұл туралы Қазақстан Ұлттық Олимпиада комитетінің (ҰОК) ресми сайтында хабарланды деп жазады <a href="http://www.azattyq.org/a/27857796.html">Азаттық.</a><br /> <br /> Ұлттық Олимпиада комитетінің мәлімдеуінше, қазақстандық алты спортшының Бейжің Олимпиадасы кезіндегі алынған допинг сынамаларын қайта тексергенде күдік тудырған. Енді Халықаралық Олимпиада комитеті мен Бүкіләлемдік антидопинг агенттігі В сынамасын тексеру процесін жүргізеді. Бұл шара 18-26 шілдеде Лозаннада (Швейцария) қазақстандық тараптың қатысуымен өтеді.<br /> <br /> Қазақстан ұлттық Олимпиада комитеті В сынамасы оң нәтиже берген жағдайда ғана спортшылардың аты-жөнін жариялайды.<br /> <br /> Осыған дейін Халықаралық ауыр атлетика федерациясы (IWF) қазақстандық ауыр атлет Илья Ильиннің Бейжің мен Лондон Олимпиадалары кезінде алынған сынамаларынан допинг табылғанын мәлімдеген.<br /> <br /> Лондонда алтын алған қазақ спортшылары Зүлфия Чиншанло, Мая Манеза мен Светлана Подобедованың да сынамалары оң нәтиже берген. Олар уақытша жарыстардан шеттетілген.</p> <p style="text-align: justify;"> <em>nur.kz сайтынан алынды* </em></p>