Джесси Варгас: «Брук менімен жұдырықтаспау үшін Головкинді таңдады»

<p style="text-align: justify;"> <strong>Британиялық Келл Брукқа қарсы кездесу өткізу керек болған америкалық боксшы Джесси Варгас Головкин-Брук жекпе-жегіне таң қалғанын айтты. </strong></p> <p style="text-align: justify;"> - Мен үшін бұл күтпеген жаңалық болды. Брукпен келіссөздер ауыр жүріп жатқанын білдім, бірақ мен өз шарттарымды толық орындадым. Келісімшартқа қол қойдым. Бізге Бруктың келісімі ғана керек болған. Біздің жекпе-жек міндетті түрде өтеді деп ойладым. Бірақ артынша Головкин-Брук жекпе-жегі жайлы ақпараттар шыға бастады. Менің Геннадийге еш ренішім жоқ, бокста мұндай болып тұрады. Менің ойымша, Бруктың командасы менімен жұдырықтаспау үшін Головкинді таңдады, - деді Варгас.</p> <p style="text-align: justify;"> Естеріңізге сала кетсек, бір ай бұрын Брук пен Варгас жекпе-жек өткізу жайлы ауызша келісімге келген болатын. Кездесу қыркүйек айында Англияда өтуі тиіс болған. Бірақ Брук соңғы сәтте Варгаспен емес, Головкинге қарсы кездесуге қол қойды.</p> <p style="text-align: justify;"> Айта кетер жайт, Джесси Варгас екінші жартылай орта салмақ дәрежесінде WBO чемпионы.</p>