Жәнібек Әлімханұлы: «Бас бапкер кем дегенде екі алтын алуды жоспарлап жүр»

<p style="text-align: justify;"> <strong>Рио Олимпиадасында бокстан ел намысын қорғайтын 23 жастағы талантты былғары қолғап шебері Жәнібек Әлімханұлы ProportKZ.kz тілшісіне эксклюзивті сұхбат берді.</strong></p> <p style="text-align: justify;"> <strong>- Жәнібек, қалыңыз қалай?</strong></p> <p style="text-align: justify;"> - Аллаға шүкір, бәрі жақсы.</p> <p style="text-align: justify;"> <strong>- Рио Олимпиадасына дайындық қалай өтуде?</strong></p> <p style="text-align: justify;"> - Қазіргі таңда, Астана қаласында оқу-жаттығу жиынын өткізудеміз. Содан кейін, тағы бір апта Алматыда дайындыламыз, артынша Рио-де-Жанейроға аттанамыз.</p> <p style="text-align: justify;"> <strong>- Мырзағали Айтжанов ағамыздың айтуынша, Бразилияға бір апта бұрын барып аласыздар.</strong></p> <p style="text-align: justify;"> - Иә, Олимпиада ойындарына басталуға бір апта қалғанда Рио-ға жол тартамыз. Шамамен, шілденің 28-і.</p> <p style="text-align: justify;"> <strong>- Олимпиада қарсаңында кішігірім жарақаттарыңыз жоқ па?</strong></p> <p style="text-align: justify;"> - Құдайға шүкір, еш жарақатым жоқ. Бұның алдында жарақат алған болатынмын, бірақ толық емделіп үлгердім. Қазір бәрі жақсы. Олимпиада ойындарына ойдағыдай дайындалудамыз.</p> <p style="text-align: center;"> <img alt="" src="/cms/uploads/images/8_wide.jpg" style="width: 600px; height: 387px;" /></p> <p style="text-align: justify;"> <strong>- Ұлттық құрамадағы қалған боксшылардың жағдайы қалай? Ешкімде жарақат жоқ па?</strong></p> <p style="text-align: justify;"> - Ешкімде жарақат жоқ. Жоспар бойынша бәріміз тер тегудеміз.</p> <p style="text-align: justify;"> <strong>- Төрт жылда бір өтетін үлкен Додаға аз ғана уақыт қалды. Өзіңіз қобалжып жүрген жоқсыз ба?</strong></p> <p style="text-align: justify;"> - Әзірше қобалжу жоқ. Енді РИО-да қалай болатынын білмеймін. Бірақ біз сақадай сай дайын болып барамыз.</p> <p style="text-align: justify;"> <strong>- Қазіргі бабыңыз қандай? Әлі де қосасыз ба?</strong></p> <p style="text-align: justify;"> - Бүгінгі таңда орташа. Алдағы оқу-жаттығу жиындарында әлі де қосамын. Рио-ға аттанарда бабыма енем. &nbsp;</p> <p style="text-align: justify;"> <strong>- АИБА бокс қауымдастығы Олимпиада ойындарына кәсіпқой боксшыларға қатысуға рұқсат берді. Бұл жайлы пікіріңіз қандай?</strong></p> <p style="text-align: justify;"> - Өзбасым қарсы емеспін. Не дегенменде олар да боксшылар ғой. Қатысу-қатыспауын өздері шешсін. Кәсіпқой боксшыларға қарсы жекпе-жекте қиналатын ештеңесі жоқ. Бәлкім, оларға ауыр болуы мүмкін. Сондықтан, аса қатты айырмашылық көріп тұрған жоқпын.</p> <p style="text-align: justify;"> <strong>- Жалпы, әуесқой бокстың төрелігі соңғы кездері көп сынға алынып жатыр...</strong></p> <p style="text-align: justify;"> - Енді төреші де адам ғой, қателесуі мүмкін. Қазылардың қателіктерінен жеңіліп жатсақ та ол бізге сабақ болады. Келесі рет, демек айқын басымдықпен жеңу керек.</p> <p style="text-align: justify;"> <strong>- Бас бапкер Мырзағали Айтжанов команда алдына қандай мақсат қойды?</strong></p> <p style="text-align: justify;"> - Бас бапкер кем дегенде екі алтын алуды жоспарлап жүр. &laquo;Барлықтарыңа сенеміз, әрқайсысың да алтынға лайықтысыңдар! Тәжірибелерің мол, мақсаттарың бар&raquo; деп бізді алға жетелеп жатыр.</p> <p style="text-align: center;"> <img alt="" src="/cms/uploads/images/456569816-kazakhstans-zhanibek-alimkhanuly-celebrates-gettyimages.jpg" style="width: 594px; height: 424px;" /></p> <p style="text-align: justify;"> <strong>- Сіз үшін бұл тұңғыш Олимпиада ойындары болмақ...</strong></p> <p style="text-align: justify;"> - Иә, бұл менің бірінші Олимпиада ойындарым болмақ. Енді өз күшімді көрсетіп, ел намысын абыроймен қорғаймын деп сенем.</p> <p style="text-align: justify;"> <strong>- Соңғы кездері өзбек боксшыларының қарқыны жақсы. Қазақстан құрамасы сияқты толық он жолдамаға ие болды. Көршілес мемлекеттің боксшылары жайлы не ойлайсыз?</strong></p> <p style="text-align: justify;"> - Өзбекстан құрамасы мықты. Олар да Олимпиада ойындарына жақсы дайындалып келеді.</p> <p style="text-align: justify;"> <strong>- ВАДА допинг агенттігі Ауыр атлектикадан төрт Олимпиада чемпионының қанынан тыйым салынған дәрумен тапқан болатын. Бокста да допингке тексеріп жатқан шығар?</strong></p> <p style="text-align: justify;"> - Допинг дауы боксшыларға қатты әсер етіп жатқан жоқ. Әр жаттығу жиындары сайын бізді допингке тексереді. Мамандар арнайы келіп аналимизді алады. Әзірге ВАДА-дан ешқандай ескерту шықпады. Бізді ешкім қысып жатқан жоқ. Бірақ ауыр атлеттерімізді &laquo;шалып&raquo; жатқаны әрине өкінішті жайт.&nbsp;&nbsp; &nbsp;</p> <p style="text-align: center;"> <img alt="" src="/cms/uploads/images/456573210.jpg" style="width: 600px; height: 366px;" /></p> <p style="text-align: justify;"> <strong>- Жалпы, жігіттер Олимпиада ойындарына дайын ба?</strong></p> <p style="text-align: justify;"> - Енді Олимпиада ойындарын жеңу &ndash; әркімнің арманы ғой. Арамызда Рио-дан кейін бокспен қоштасатын жігіттер бар. Сондықтан, соңғы жарыс болған соң бәрі де тыңғылықты, бәрі де жоспарға&nbsp; сүйеніп, аянбай тер төгуде.</p> <p style="text-align: justify;"> <strong>- Араларыңыздағы ең жас боксшы Абылайхан Жүсіпов. Оған қолдау көрсетіп жүрсіздер ме?</strong></p> <p style="text-align: justify;"> - Әрине, қолдау көрсетіп жүрміз. Өзім де оның жасында Ұлттық құрамаға қосылған болатынмын. Үлкен ағаларымыздан тәрбие алып өстім. Абылайхан қазір жақсы бабында, үнемі бізбен бірге жүреді, қасымызда.</p> <p style="text-align: justify;"> <strong>- Бұған дейін, сұхбаттарыңызда РИО-да алтын алып жатсам, кәсіпқой боксқа ауысуым мүмкін деп айтып жатқын болатынсыз...</strong></p> <p style="text-align: justify;"> - Енді, мұны көре жатармыз. Қазіргі бар ойым &ndash; Олимпиада ойындарында. &nbsp;</p> <p style="text-align: justify;"> <strong>- Кәсіпқой боксқа ауысу туралы ұсыныстар түскен жоқ па?</strong></p> <p style="text-align: justify;"> - Әзірге ұсыныстар түскен жоқ.</p> <p style="text-align: right;"> <br /> <br /> <strong><em>Сұхбаттасқан: Қайсар ОҚАС</em></strong><br /> &nbsp;</p>