Ауыр атлетика федерациясы Ильинге қатысты ақпаратқа орай ресми мәлімдеме жасады

<p style="text-align: justify;"> <strong>Қазақстанның Ауыр атлетика федерациясы Илья Ильиннің 2008 жылғы Олимпиададағы допинг-сынамасын қайта тексеру бойынша ресми мәлімдеме жасады.</strong><br /> <br /> Бұл туралы <a href="http://24.kz/kz/">24 арна</a> хабарлайды.<br /> <br /> Халықаралық ауыр атлетика федерациясының хабарламасына сәйкес Илья Ильиннің Бейжіңдегі Олимпиада ойындары кезіндегі алынған допинг-сынамасынан тыйым салынған субстанция (станозолол) анықталды. Бұдан бұрын 10 маусымда спортшы допингке қарсы заңнаманы бұзуына байланысты спортпен айналысуына уақытша тыйым салынған болатын.<br /> <br /> Ильиннің олимпиадалық жүлделері, сондай-ақ оның алдағы Рио Олимпиадасына қатысу мәселесі жақын уақытта өтетін Халықаралық Олимпиада комитетінің тәртіп комиссия отырысында қаралады.<br /> <br /> Дүниежүзілік допингке қарсы агенттік (WADA) кодексінің 2.1-бабына сәйкес спортшы өзінің ағзасына түсетін заттар үшін жауапты. Бұл ретте 13-бапқа сәйкес ол өзіне қатысты кез-келген шешімді апелляцияға бере алады.<br /> <br /> Естеріңізге сала кетейік, тыйым салынған заттар 2012 жылғы ойындарда Қазақстанның тағы үш Олимпиада чемпионынан анықталды. Олар&ndash; Майя Манеза, Светлана Подобедова және Зульфия Чиншанло. Бұл спортшылар да жарыстардан шеттетілді.</p>