Геннадий Головкинге Астанадан пәтер сыйға берілді

<p style="text-align: justify;"> <strong>Қазақстандық кәсіпқой боксшы, орта салмақта WBA, IBF IBO және WBC тұжырымдары бойынша әлем чемпионы атағына отандасымыз Геннадий Головкин Астанадағы &laquo;Қазмедиа&raquo; орталығында жанкүйерлермен кездесіп, сұрақтарына жауап берді.</strong></p> <p style="text-align: justify;"> Tengrinews.kz ақпараттық порталының мәлімдеуінше, кездесу барысында елімізге танымал BI Group компаниясының басшысы Айдын Раxымбаев боксшыға Астанадан пәтер сыйға тартты.</p> <p style="text-align: justify;"> &laquo;Біз Геннадий Головкиннің Қазақстанға келуін асыға күттік. Келгеніне үлкен рақмет. Осы орайда зор құрметпен Геннадийге пәтер кілтін табыстауға рұқсат етсеңіздер. Біздің чемпион өзіміздің үйде өмір сүруі керек&raquo;, - деп пәтер кілтін табыстады Раxымбаев.</p> <p style="text-align: justify;"> Кездесу барысында боксшы жиналған жұртшылықтың сұрақтарына барынша жауап беруге тырысты. Олардың көпшілігі Сауль Альвареспен арадағы жекпе-жек туралы болды.</p> <p style="text-align: justify;"> &laquo;Бұл жекпе-жекті өзім де тағатсыздана күтіп жүрмін. Жекпе-жектің ұйымдастырылуына бар күшімізді салып жатырмыз. Мен орта салмақта барлық белбеулерді иеленсем деймін&raquo;, - деді GGG.</p> <p style="text-align: justify;"> Сондай-ақ 2017 жылғы EXPO қарсаңында Астана қаласында жекпе-жек өткізуі туралы да сұрақтар қойылды. &laquo;Біз Астанаға НВО телеарнасының түсірілім тобын ала келдік. Олар қала туралы, жекпе-жек ұйымдастырылатын жағдайда қалай көрініс табатыны туралы түсірілімдер жасауда. Біз бұл жекпе-жекті жоғары деңгейде ұйымдастыра аламыз деген сенімдемін. Егер барлығы ойдағыдай болып жатса, ендігі жылдан кеш болмас. Келіссөздер жүргізіп жатырмыз. Қазақстанда жекпе-жек өткізуге құлшынысым жоғары. Үлкен кәсіпқой бокс кешін ұйымдастырып, жанкүйерлерді неге қуантпасқа?! Біздің ел бұған лайықты&raquo;, - деді Геннадий Головкин.</p> <p style="text-align: justify;"> Кездесу соңында Геннадий Головкин жиналғандарға қолтаңба беріп, естелік суретке түсті. Айта кетейік, НВО арнасы Қазақстанда Геннадий Головкин жайлы фильмнің түсірілім жұмыстарын жүргізіп жатыр.</p> <p> &nbsp;</p>