Қанат Ислам: «АҚШ-та бір тиын таппадым»

<p style="text-align: justify;"> <strong>WBA Fedelatin және WBA FideCaribe тұжырымдары бойынша әлем чемпионы Қанат Ислам Алматыда баспасөз-мәслихаты өткізіп, біраз сауалдарға жауап қатты.</strong></p> <p style="text-align: justify;"> Баспасөз-мәслихаты барысында ол кәсіпқой боксқа араласқалы бері қалтасына ақша түспегенін де жасырмай айтып берді.</p> <p style="text-align: justify;"> &laquo;Мақсатым дүние табу болса, талай мүмкіндік туған еді. Бизнесмен болып кетуге де жолдар шыққан. Бірақ, менің мақсатым ол емес, мақсатым өзім армандаған биікке жету болды. АҚШ-қа барып, бір тиын тауып көрмеппін. Дүние жисаң, жия бересің. Бірақ, қазақ та өзінің ұлдары, атақты адамдары арқылы мақтанғысы келеді. Мен сол үдеден шыққым келеді. Мен арқылы ұлт кеудесін мақтаныш кернеп жатса, бұдан асқан байлық жоқ. Әу баста кәсіпкер Бауыржан Оспанов ағамыз қолдап, айлық қойып берген. Сол айлықпен күнімді көріп жатырмын. Енді-енді боксшылардан қаржылық келісім-шарттар келіп жатыр&rdquo;, &ndash; деді Қанат.</p> <p> &nbsp;</p>