Хурцидзе: «Бала-шағаны» сабай беріп обал болды, Головкинді жіберіңдерші»

<div style="text-align: justify;"> <strong>Орта салмақтағы WBO рейтингінің бірінші нөмірлі боксшысы грузиялық Автандил Хурцидзе (32-2-2, 21 КО) қазақстандық Геннадий Головкинмен кездескісі келетінін мәлім етті, деп хабарлайды BNews.kz.</strong></div> <div style="text-align: justify;"> &nbsp;</div> <div style="text-align: justify;"> <strong>- Альварестің WBC белбеуінен бас тартуына не себеп болды екен? Оның Головкиннен қорыққаны рас па, қалай ойлайсыз?</strong></div> <div style="text-align: justify;"> &nbsp;</div> <div style="text-align: justify;"> - Мен Альварес Головкиннен қорықты деп ойламаймын. Егер де ол жекпе-жекке шыққысы келмесе, демек, оған аз ақша ұсынған.</div> <div style="text-align: justify;"> &nbsp;</div> <div style="text-align: justify;"> <strong>- Ал сізде Альвареспен кездесуге мүмкіндік туып жатса, қанша ақша ұсынар едіңіз?</strong></div> <div style="text-align: justify;"> &nbsp;</div> <div style="text-align: justify;"> - Бұл жерде мәселе &ndash; телеарнаның бұл кездесуді көрсетуге мүдделі екендігіне тікелей байланысты. Дегенмен, мен Альварестің Головкинді жеңетіндей қауқары бар деп ойламаймын.</div> <div style="text-align: justify;"> &nbsp;</div> <div style="text-align: justify;"> <strong>- Ал сіздіңше, Головкинді жеңуге кімнің шамасы жетеді?</strong></div> <div style="text-align: justify;"> &nbsp;</div> <div style="text-align: justify;"> - Тек грузин Автандил Хурцидзенің шамасы жетеді (күліп). Шынымды айтсам, Головкинмен жекпе-жек өткізуге кет әрі емеспін. Тек, бұл кездесуге дайындалуға біршама уақыт керек. Тіпті, Головкиннің өзі әр жекпе-жегіне үш айдай дайындалады. Бұл жолы оған лайықты қарсылас табылмаса, қайтадан бір &laquo;қаңбақты&raquo; қарсы шығара салуы әбден мүмкін. Оған соңғы кездесуінде өздеріңіздің көздеріңіз жеткен болар. Уэйд Головкин үшін тым осал қарсылас. Ал менің жөнім бөлек.</div> <div style="text-align: justify;"> &nbsp;</div> <div style="text-align: justify;"> <strong>- Демек, дәл қазір Головкинге лайықты қарсылас табу қиын дегіңіз келіп отыр ма?</strong></div> <div style="text-align: justify;"> &nbsp;</div> <div style="text-align: justify;"> - Негізі, кез келген мықтыны жеңуге болады. Бұл &ndash; бокс. Бір ғана соққы бүкіл жекпе-жектің тағдырын шешіп кетуі мүмкін. Сондықтан тым асыра сілтей беруге болмайды. Тағы бір айтар нәрсе &ndash; Головкин әлі күнге соққысы мығым боксшымен кездескен жоқ. Бәлкім, Головкиннің келесі қарсыласы мен болармын. Мен қазіргі кезде өзіме Головкиннен өзге лайықты қарсыласты көріп отырғаным жоқ. Жастарды сабай беріп обал болды. Ендігі жерде нағыз мықтымен кездескім келеді.</div> <div style="text-align: justify;"> Айта кетейік, бұған дейін грузиялық боксшының бапкері Андре Розье қыркүйек айында отандасымызбен жекпе-жек ұйымдастырғысы келетінін мәлімдеген. Алайда, қазір Головкиннің командасы келесі кездесуге грузиялықтан өзге орта салмақтағы бірнеше мықтының кандидатурасын қарастырып жатыр.</div> <div style="text-align: justify;"> &nbsp;</div>