Боксшы қыздарымыз елордада өтіп жатқан әлем біріншілігін жеңіспен бастады

<p style="text-align: justify;"> <strong>Қазақстандық боксшы қыздарымыз Астанада жалауын желбіреткен бокстан әлем чемпионатын жеңіспен бастады, деп хабарлайды BNews.kz тілшісі.</strong></p> <p style="text-align: justify;"> Жарыстың екінші күнінің қорытындысы бойынша 64 келіге дейінгі салмақта сынға түсетін қазақстандық Зарина Цолоева вьетнамдық қарсыласы Ха Ти Линьнен басым түсті.</p> <p style="text-align: justify;"> 75 келіге дейінгі салмақта қарағандылық Виолетта Князева 2014 жылғы жасөспірімдер Олимпиадасының қола жүлдегері австриялық Кэйтлин Паркерді қапы қалдырды.</p> <p style="text-align: justify;"> Бүгін шаршы алаңға Назым Қызайбай (49 кг), Жайна Шекербекова (51 кг) &nbsp;мен Римма &nbsp;Волосенко (60 кг) шығады. Боксшы қыздарымыздың тартысын Kazsport &nbsp;телеарнасынан тікелей эфирде тамашалай аласыздар.</p> <p style="text-align: justify;"> Естеріңізге салып өтсек, елордада өтіп жатқан әлем біріншілігіне жаһанның 67 елінен 285 спортшы қатысып жатыр. Әлем чемпионатында еліміздің намысын 10 боксшы қорғайды. Олар: Римма Волосенко, Валентина Хальзова, Ләззат Күнгейбаева, Назым Қызайбай, Жайна Шекербекова, Дина Жоламан, Айжан Ходжабекова, Зарина Цолоева, Виолетта Князева және Юлдуз Маматкулова.</p> <p style="text-align: justify;"> Жарыс күндері жанкүйерлер үшін Барыс Аренаға кіру тегін</p>