Астанадағы әлем чемпионатында 12 олимпиадалық жолдама сарапқа салынады

<p style="text-align: justify;"> <strong>Астанада өтетін бокстан әйелдер арасындағы әлем чемпионаты аясында Рио-де-Жанейродағы Олимпиадалық ойындарға 12 жолдама сарапқа салынады.</strong></p> <p style="text-align: justify;"> ҚазАқпараттың хабарлауынша, Рио-2016 олимпиадалық жолдамалары: 51 келіге дейінгі, 60 келіге дейінгі және 75 келіге дейінгі үш салмақ санатында ойналады. Әр санатта төрт жолдамадан болады.</p> <p style="text-align: justify;"> Еске сала кетейік, Астанадағы бокстан әйелдер арасындағы әлем чемпионаты 19-27 мамыр күндері &laquo;Барыс-Арена&raquo; мұз сарайында өтеді. Қазақстан он салмақ санатында 10 қызды үкілеп қоспақ. Құрама құрамында астаналық Римма Волосенко, Валентина Хальзова және Ләззат Күнгейбаева кірді.&nbsp; Сондай-ақ рингте Назым Қызайбай, Жайна Шекербекова, Дина Жоламан, Айжан Қожабекова, Зарина Цолоева, Виолетта Князева және Юлдуз Маматкулова ел намысын қорғайды. &nbsp;</p> <p style="text-align: justify;"> Чемпионатқа 326 боксшы қатыспақ - бұл әйелдер чемпионаты үшін рекордтық сан. Әлем біріншілігінде Иордания, Мозамбик және Сьерра-Леоне өкілдері алғаш рет қатысқалы отыр.</p> <p style="text-align: justify;"> &laquo;Алтыннан&raquo; дәмелілердің қатарында ирландық Кэти Тейлордың, үндістандық спортшы Мэри Комның, американдық Кларессу Шилдстің, британдық Никола Адамстың және қытайлық Рен Канканның есімдері аталып жүр.</p> <p style="text-align: justify;"> Командалардың көпшілігі Астанаға келіп жетті, олар үш базада - боксты дамыту орталығында, &laquo;Толқын&raquo; спорт кешенінде және Астана-Аренада жаттығып жатыр. Біздің спортшылар АҚШ, Финляндия және Черногория командаларымен бірлескен жаттығулар өткізді.</p> <p style="text-align: justify;"> &nbsp;&laquo;Астанадағы әлем чемпионаты кезекті рет бүкіл әлемдегі әйелдер боксының мәртебесін көтереді, - деп мәлімдеді АІВА президенті Чинг-Куо Ву. - Біздің бәріміз де оған аңызға айналған чемпиондар мен жас таланттар қатысатынын мақтан етеміз&raquo;.</p> <p> &nbsp;</p>