Қазақстан жастары есту қабілеті нашар спортшылар арасында күрестен өткен Әлем чемпионатында сәтті өнер көрсетті

<div style="text-align: justify;"> <strong>Үстіміздегі жылдың 29 сәуір және 10 мамыр аралығында Тегеранда (Иран) еркін және грек-рим күресі бойынша кадеттер, жасөспірімдер және ересектер арасында есту қабілеттері шектелген спортшылардың Әлем чемпионаты өтті.</strong></div> <div style="text-align: justify;"> &nbsp;</div> <div style="text-align: justify;"> Әлемдік біріншілікке Қазақстанды алғаш рет спортшылардың рекордты саны &ndash; 22 балуан және 4 жаттықтырушы &nbsp;қатысты, деп хабарлайды Мәдениет және спорт министрлігінің баспасөз қызметі.</div> <div style="text-align: justify;"> &nbsp;</div> <div style="text-align: justify;"> Отандық құрамаға Алматы, Тараз, Көкшетау және Ақтобе қалаларының спортшылары енді. &nbsp;</div> <div style="text-align: justify;"> &nbsp;</div> <div style="text-align: justify;"> Кадеттер мен жасөспірімдер жарысына 10 қазақстандық қатысып, бір күміс және екі қола жүлдеге ие болды. Тараз балуаны Тұрғынбай Ғасыр 69 келі салмақ дәрежесінде &nbsp;күміс медаль жеңіп алса, Шымкенттік спортшы Пернеш Шадияр (58 келі) және тараздық Ғалымбет Молдашев (66 келі) қоржынымызға қола медаль салды.</div> <div style="text-align: justify;"> &nbsp;</div> <div style="text-align: justify;"> Қазақстан тарихында алғаш рет құрамамыз сурдолимпиалық Әлем чемпионатында 1 алтын, 1 күміс және 5 қола жүлдеге қол жеткізді. Алматы спортшысы Шонку Хайратхаан 125 келі салмақ дәрежесінде еркін күрестен ақтық жекпе-жекте жеңіске жетіп, алтын медаль жеңіп алды. Сонымен қатар, Хайратхаан грек-рим күресінен 130 кг салмақта екінші орынға табан тіреді.</div> <div style="text-align: justify;"> &nbsp;</div> <div style="text-align: justify;"> Алматылық Асылжан Тәжиев еркін және грек-рим күрестері бойынша өнер көрсетіп, екі спорт түрінен де қола медальдан, тараздық спортшылар Есжанов Ғабит және Дүйсенбиев Нұрсұлтан еркін күресте бір-бір қола жүлдеден жеңіп алды. Құраманың ең жас және дарынды балуаны Игенбай Ғабит грек-рим күресінде үшінші орыннан көрінді.</div>