Роберт Гарсия: «Головкинге Альварестің дегеніне көнуі керек»

<p style="text-align: justify;"> <strong>Белгілі бапкер Роберт Гарсияның айтуынша, WBA (Super), IBO, IBF және WBC (Interim) тұжырымдары бойынша орта салмақта әлем чемпионы қазақстандық Геннадий Головкинге WBC чемпионы Сауль &laquo;Канело&raquo; Альвареспен келісімге келіп, онымен 155 фунт салмақ дәрежесінде жекпе-жек өткізуі қажет. Бұл туралы Тengrinews.kz ақпараттық порталы мәлім етті. </strong></p> <p style="text-align: justify;"> &laquo;Қалайша ол 155 фунт салмақ дәрежесіне дейін түспейді? Альварес онымен 160 фунт салмақта жекпе-жекке шығайын деп жатқан жоқ. Иә, Головкин белбеуді жекпе-жексіз-ақ алады, бірақ ол Альвареспен жекпе-жекке шықпайды және он миллион доллар табыс ала алмайды. Бұл - қыруар қаражат. Егер ол Мейвезер үшін бірінші орта салмақтағы жекпе-жекке дайын болғанда, неге онда ол Альвареспен жекпе-жекке дайын емес? Ол өзінің титулын қорғай алады, бірақ мансабындағы ең үлкен және табысты жекпе-жегінен айырылып қалады&raquo;, - деді Гарсия.</p> <p style="text-align: justify;"> Еске салайық, Головкин WBC чемпионы титулына негізгі үміткерлердің бірі. Белбеудің иесі Альварес 7 мамырда Лас-Вегаста (Невада штаты, АҚШ ) ұлыбританиялық Әмір Ханмен жұдырықтасып, осы титулды қорғауы керек. Жекпе-жектің жеңімпазы Головкинмен кездесуге міндеттеледі. Сонымен қатар, қазақстандық боксшының командасы 160 фунт салмақ дәрежесінде жекпе-жек өткізуді сұрап отыр.</p> <p> &nbsp;</p>