Астанада «Олимпиадаға 100 күн» атты ауқымды шара өтті

<div style="text-align: justify;"> <strong>&laquo;Хан Шатыр&raquo; сауда орталығы маңындағы спорт алаңында жазғы Олимпиада ойындарына үш айдан астам уақыт қалуына орай арнайы шара ұйымдастырылды, деп хабарлайды <a href="http://bnews.kz/kz/news/sport/elordada_olimpiadaga_100_kun_atti_aukimdi_shara_otti_foto-2016_04_30-1269528">Bnews.kz</a> тілшісі.&nbsp;</strong></div> <div style="text-align: justify;"> &nbsp;</div> <div style="text-align: justify;"> Іс-шараны ҚР Ұлттық Олимпиадалық комитеті, ҚР Мәдениет және спорт министрлігі және Астана қаласы әкімдігі ұйымдастырды. Жиынға арнайы келген елорда әкімі Әділбек Жақсыбеков Астанадан аттанатын спортшылардың қатары көп екендігін баса айтты. Әрі қала басшысы оларға сәттілік тіледі.</div> <div style="text-align: justify;"> &nbsp;</div> <div style="text-align: justify;"> &laquo;Олимпиадаға 100 күн қалды. Оған біздің де спортшылар қатысады. Ел спортшылары бүгінге дейін 82 жолдама алған болатын. Бір атап өтерлігі, Астана қаласы 13 лицензия ұтып алды. Бұл үлкен көрсеткіш. Президенттің тапсырмасы бойынша оларға барлық жағдай жасалып жатыр&raquo;, - деді қала әкімі.</div> <div style="text-align: justify;"> &nbsp;</div> <div style="text-align: justify;"> Сонымен қатар, шараға ҚР мәдениет және спорт министрі Арыстанбек Мұхамедиұлы, ҚР Ұлттық Олимпиадалық комитетінің бас хатшысы Данияр Абулгазин, атақты спортшылар &nbsp;Юрий Мельниченко, Гүзел Манюрова, Данияр Елеусінов, Асхат Жіткеев, Арман Чилманов, Дариға Шәкімова, Ләззат Күнгейбаева, Юрий Щукин, Сабина Әшірбекова қатысты.</div> <div style="text-align: justify;"> &nbsp;</div> <div style="text-align: justify;"> &laquo;Олимпиадаға 100 күн&raquo; шарасы аясында көкке 100 шар ұшырылды. Спорттық аймақтар ашылып, ұлттық федерациялар бокс, күрес, велоспорт, таеквондо, дзюдо, ауыр атлетика, триатлон, теннис сияқты олимпиадалық спорт түрлерінен арнайы шеберлік сабақтары мен түрлі байқаулар өткізді.&nbsp;</div> <div style="text-align: justify;"> &nbsp;</div> <div style="text-align: justify;"> Айта кетейік, акцияның басты мақсаты &ndash; олимпиадалық ойындарды насихаттап, Рио Олимпиадасына баратын спортшыларға қолдау білдіру.&nbsp;</div>