Арыстанбек Мұхамедиұлы Головкинді жеңісімен құттықтады

<p style="text-align: justify;"> <strong>Бүгін кәсіпқой мансабында 35-жеңісіне қол жеткізген Геннадий Головкинді ҚР Мәдениет және спорт министрі Арыстанбек Мұхамедиұлы алғашқылардың бірі болып құттықтады.</strong></p> <p style="text-align: justify;"> &laquo;Сізді кезекті 35-жеңісіңізбен құттықтауға рұқсат етіңіз! Сіз біздің еліміздің мақтанышысыз. Сіздің &laquo;GGG&raquo; атыңыз Қазақстанның ұлттық брендіне әрі нағыз ұлтжандылықтың үлгісіне, Отанына деген махаббат пен адалдықтың символына айналды. Қазақстанда Сізді үлгі тұтатын жаңа буын өсіп келеді.</p> <p style="text-align: justify;"> Сіздің жеңістеріңізге біздің елімізде ғана емес, сонымен қатар, шетелдіктер тәнті болып отыр. Әлемде жүздеген миллион халық сіздің жекпе-жектеріңізді асыға күтіп отырады.</p> <p style="text-align: justify;"> Бүкіл қазақстандық спортшылар мен жеке өз атымнан Сізді кезекті жеңісіңізбен құттықтаймын! Сізге мықты денсаулық, сәттілік және жаңа жеңістер тілеймін!&raquo;, - деп жазылған министрдің құттықтау хатында.</p> <p style="text-align: justify;"> Естеріңізге сала кетсек, Головкин WBA чемпиондық белбеуін осы жолы 16-рет, IBO &ndash; 13, WBC (Interim) &ndash; 4 және IBF белбеуін алғаш рет қорғады. Головкин бүгінге дейін кәсіпқой бокста 35 кездесу өткізіп, барлығында жеңіске жетсе, 32 қарсыласын нокаутпен жеңіп отыр.</p> <p> &nbsp;</p>