Қазақстандықтардың басым бөлігі Головкин Уэйдті 7-раундта жеңеді деп болжайды

<p style="text-align: justify;"> <strong>Головкин-Уэйд жекпе-жегіне бол жасаған 1 329 адамның көбі қазақстандық Геннадий Головкин америкалық боксшы Уэйдті 7-раундта сұлатып салады деген пікірде. Тек 2 адам Уэйд жеңіске жетеді деп топшылаған.</strong></p> <p style="text-align: justify;"> &laquo;Қазақстандықтардың көбі Головкин Уэйдті 7-раундта (257 адам), 5-раундта (218) және 6-раундта (193) жеңеді деп болжаған. 8-раундқа 182 адам, 4-раундқа 125 адам дауыс берген екен. Сондай-ақ, 9-раунд (109) пен 3-раундта (103) жеңеді дейтіндер де бар. Ең төменгі көрсеткіш 11 (22) және 12-раундтарда (14). Тек 2 адам америкалық боксшы Уэйд жеңіске жететініне сенімді&raquo;, - деп хабарлайды &laquo;Қазақстан&raquo; РТРК баспасөз қызметі.</p> <p style="text-align: justify;"> Естеріңізге сала кетейік, 15 сәуірде корпорация Головкин-Уэйд жекпе-жегін дәл болжаған адамға смартфон сыйға беретінін жариялаған еді. Сол уақыттан бері тартысты додаға 1300-ден астам азамат болжам жасап үлгеріпті.</p> <p style="text-align: justify;"> 23 сәуір күні (Астана уақытымен 24 сәуір) WBA (Super), IBO, WBC (Interim) және IBF тұжырымдары бойынша орта салмақтағы әлем чемпионы, қазақстандық Геннадий Головкин (34-0, 31 КО) америкалық боксшы Доминик Уэйдке (18-0, 12 КО) қарсы жекпе-жек өткізеді.</p> <p style="text-align: justify;"> &laquo;Қазақстан&raquo; ұлттық арнасы мен kaztrk.kz сайты кездесуді 24 сәуір күні 07:20-дан бастап тікелей эфирде көрсетеді.</p> <p style="text-align: justify;"> &laquo;Осыған орай, көрермендер арасында байқау жарияланған болатын. Оның шарты бойынша қатысушылар жекпе-жектің нәтижесін, яғни кімнің, қалай және қашан жеңіске жететінін дұрыс әрі нақты болжауы керек еді. Көрермендер мен жанкүйерлер белсенді қатысып, өз жауаптарын жіберіп жатыр&raquo;, - деп толықтырды баспасөз қызметі.</p> <p style="text-align: justify;"> Айта кетейік, байқау Головкин-Уэйд жекпе-жегі басталғанға дейін жалғасады. Мына сілтеме арқылы өтіп, болжам жасауға болады. Жеңімпаз сол күні анықталады.</p> <p style="text-align: justify;"> Вnews.kz ақпараттық порталынан</p>