Головкин Альваресті боксқа құрметсіздік көрсетті деп айыптады

<div> <p style="text-align: justify;"> <strong>Орта салмақта WBA (Super), IBO, WBC (Interim) және IBF тұжырымдары бойынша әлем чемпионы қазақстандық Геннадий Головкин (34-0, 31 КО) орта салмақта WBC белбеуінің иегері мексикалық Сауль &laquo;Канело&raquo; Альваресті (46-1-1, 32 КО) боксқа құрметсіздік көрсетті деп сөкті.</strong></p> <p style="text-align: justify;"> Бұл туралы Тengrinews.kz ақпараттық порталы мәлім етті.&nbsp;Головкиннің айтуынша, Альварес 155 фунт аралық салмағында ғана жекпе-жек өткізуге дайын, бірақ екеуінің де дене пішімдері бірдей.&nbsp;</p> <p style="text-align: justify;"> &laquo;Мен - қазір Альварес иемденіп жүрген WBC титулына ресми үміткермін. Мен бұл жекпе-жектің қазір болғанын қалаймын. Орта салмақта кімнің бірінші және кімнің нағыз чемпион екенін анықтау мен үшін маңызды. &laquo;Канело&raquo; - жақсы боксшы. Меніңше, ол жекпе-жекке дайын... Оның дене пішімі тура менікіндей. Оның салмағы да менікіндей. Ол 155 фунтта жекпе-жекке шыққысы келеді - неге 155? Орта салмақ дегеніміз 160 фунт қой&raquo;, - дейді Головкин.&nbsp;</p> <p style="text-align: justify;"> Сонымен қатар, GGG &laquo;Канелоның&raquo; Пакьяомен болуы мүмкін делінген жекпе-жегі жайлы пікір айтты. &laquo;Бұл бизнеске келіңкірейді. &laquo;Канело&raquo; Мэнниден үлкенірек. Олар қандай салмақта жұдырықтаспақшы? 155? Бұл салмақ Мэнниге келмейді. Пакьяоның 150 фунтта Маргаритомен өткізген жекпе-жегін көрдім, бірақ 155 Пакьяоға үлкен салмақ. &laquo;Канело&raquo; салмақ өлшеуде 155 фунтты көрсетеді де, жекпе-жекке 175 фунтта шығады. Ол Мэнниге тым үлкен. Бұл спортқа деген құрметсіздік... &laquo;Канело&raquo; - орта салмақта әлем чемпионы, 140 немесе 147 фунттарда емес&raquo;, - деді Головкин.</p> <p style="text-align: justify;"> &nbsp;</p> </div> <p> &nbsp;</p>