Геннадий Головкин Майкл Джорданның брендімен келісімшарт жасасты

<div style="text-align: justify;"> <p> <strong>Геннадий Головкин Jordan Brand спорт атрибутикасының өндірушілерімен келісімшарт жасасты. Айта кетейік, Jordan Brand - Nike компаниясының әйгілі баскетболшы Майкл Джорданға арнап жасаған бренді.</strong></p> <p> Тengrinews.kz ақпараттық порталының мәлімдеуінше, Головкин Андре Уорд пен Рой Джонстан кейінгі Jordan Brand брендін ресми таныстыратын үшінші боксшы атанды. &laquo;Біз Головкинді Jordan Brand отбасына қуана қабылдаймыз. Геннадийдің кәсіби әдебі, іске шеберлігі мен мәнері оны ерекшелейді&raquo;, - деді Jordan Brand президенті Ларри Миллер.</p> <p> Ал Головкин келісімшарт жөнінде былай деді: &laquo;Jordan Brand-тің бір бөлігі болғаным үшін қуаныштымын&raquo;.</p> <p> Айта кетейік, Головкин келесі жекпе-жегін 23 сәуірде өткізеді. Оның бұл жолғы қарсыласы америкалық Доминик Уэйд болмақ. Кездесуді Астана уақыты бойынша 24 сәуір күні таңертең 7.40-та "Қазақстан" арнасынан тікелей эфирде көре аласыздар.</p> <p> &nbsp;</p> </div> <p> &nbsp;</p>