Қазақстандық каратэші әлем чемпионатында күміс жүлде алды

<p style="text-align: justify;"> <strong>Польшаның Быдгощ қаласында каратэ-додан жастар арасында өткен әлем чемпионатында қазақстандық Дархан Темірәлиев күміс жүлде иеленді.</strong></p> <p style="text-align: justify;"> БҚО дене шынықтыру және спорт басқармасынан түскен мәліметке сүйенсек, аталмыш жарыста әлемнің 46 елінен 3 мыңдай спортшы бақ сынаған.</p> <p style="text-align: justify;"> Дархан чехиялық, поляк, алжирлік және түркиялық қарсыластарын тізе бүктіріп, тек финалда өзбек спортшысына 1:2 есебімен жол берді. Сонымен қатар Қазақстан құрамасы командалық сында үшінші орынды иеленді. Мұнда тағы бір батысқазақстандық Бекарыс Елемесов те өнер көрсетті.</p> <p style="text-align: justify;"> Айта кетейік, Темірәлиев былтыр әлем чемпионатының қола жүлдегері атанған болатын.</p> <div> &nbsp;</div>