Мейвезер Головкинмен жекпе-жекке шығу үшін өз шартын айтты

<p style="text-align: justify;"> <strong>Өткен жылдың қыркүйек айында мансабын аяқтағанын жариялаған әлемнің үздік боксшысы Флойд Мейвезер (49-0, 26&nbsp;КО) рингке қайта оралуы мүмкін. Ол тіпті кездесуі мүмкін екі қарсыласының есімін атады.</strong></p> <p style="text-align: justify;"> ҚазАқпараттың мәлімдеуінше, олардың бірі - қазақстандық боксшы Геннадий Головкин (34-0, 31&nbsp;КО). Алайда Мейвезермен шығу үшін жерлесіміз Андре Уордты жеңуі тиіс.</p> <p style="text-align: justify;"> &laquo;Мен осыған дейін де Головкин менімен жекпе-жекке шығу үшін не істеу керектігін айтқан болатынмын. Алдымен ол Уордты жеңсін. Содан кейін ғана мен онымен жұдырықтасуға дайынмын&raquo;,- деді Мейвезер.</p> <p style="text-align: justify;"> Мейвезердің тізіміндегі екінші боксшы - WBC бойынша &nbsp;жартылай орта салмақтағы әлем чемпионы Дэнни Гарсиа (32-0, 18&nbsp;КО).</p> <p style="text-align: justify;"> &laquo;Егер мен рингке қайта оралатын болсам, мені Дэнни Гарсия қызықтырады. Себебі ол жеңілуді білмейді және титулға ие. Егер мен онымен жекпе-жек өткізетін болсам, ол әлем чемпионы болуы тиіс&raquo;, - деді Флойд Мейвезер.</p> <p> &nbsp;</p>