Абель Санчес: «Мейвезердің Головкинге тиісе бергеніне қарағанда боксқа оралатын ойы бар сыңайлы»

<div style="text-align: justify;"> <strong>Қазақстандық кәсіпқой боксшы Геннадий Головкиннің бапкері Абель Санчестің айтуынша, соңғы кездері америкалық Флойд Мейвезер отандасымыздың есімін жиі еске алып, реті келсе, тілімен түйреп алатын көрінеді, деп хабарлайды BNews.kz.</strong></div> <div style="text-align: justify;"> &nbsp;</div> <div style="text-align: justify;"> &laquo;Мейвезер осы күндері Головкинді жиі еске алып жүр. Соңғы бірнеше аптаның өзінде 3-4 рет шәкіртімді жеңетінін айтыпты. Осы айтқандарын бағамдап қарасам, ол таяуда боксқа қайтып оралатын сыңайлы. Головкинмен кездесе ме, жоқ па оны білмеймін, бірақ, оның боксқа қайтып оралатынына сенімдімін&raquo;, - дейді А.Санчес.</div> <div style="text-align: justify;"> &nbsp;</div> <div style="text-align: justify;"> Бұған дейін Абель Санчес: &laquo;Шәкіртім Мейвезермен жекпе-жек өткізу үшін салмақ тастауға дайын&raquo; - деп мәлімдеген болатын. Айта кетейік, америкалық боксшы шаршы алаңда 49 кездесу өткізіп, барлығында жеңіске жеткен. Бокс сарапшыларының пайымдауынша, Мейвезер таяу уақытта карьерасындағы елуінші жекпе-жегін өткізіп, сонан соң ғана қолғабын шегеге ілуі мүмкін.</div>