Шет елдік лигалардағы қазақстандық клубтар

<p style="text-align: justify;"> <strong>Қазақстан чемпионатында ғана емес, шетелдік біріншіліктерде де бақ сынап жүрген клубтарымыздың саны аз емес. &laquo;PROСПОРТ&raquo; тілшісі өзге елдердің лигаларында өнер көрсетіп жүрген қазақстандық командалармен таныстырады.&nbsp;</strong></p> <p style="text-align: justify;"> Бұл тұрғыдан алғанда шетелдік лигаларда жүрген командалардан қазақстандық хоккей клубтарын ерекше атап өтуге болады. Бүгінде елордалық &laquo;Барыс&raquo;, қарағандылық &laquo;Сарыарқа&raquo;, өскемендік &laquo;Торпедо&raquo; мен &laquo;Барыстың&raquo; фарм-клубы &laquo;Снежные Барсы&raquo; ресейлік лигаларда өнер көрсетіп жүр. 2011 жылы құрылған &laquo;Снежные Барсы&raquo; көп уақыт бойы ресейлік Жастар хоккей лигасында өнер көрсетіп келеді. Ал &laquo;Барыс&raquo; болса, Қазақстанның намысын Құрлықтық хоккей лигасында қорғайды. Команда үшін биылғы жыл сәтсіз болғанымен, бұған дейін барлық маусымда плэй-офф кезеңіне шығып жүрген еді. Елордалықтардың ең жақсы көрсеткіші &ndash; плэй-оффтың екінші кезеңі. Дегенмен, Қазақстан чемпионатының екі дүркін чемпионы атанып, ел кубогында жүлделі орындар еншілеген. Сондай-ақ, 2007 жылы Ресей Бірінші лигасының Орал-Батыс Сібір аймағы бойынша жеңімпаз атанды.&nbsp;</p> <p style="text-align: center;"> <img alt="" src="/cms/uploads/images/132-496611318176050.jpg" style="width: 600px; height: 362px;" /></p> <p style="text-align: justify;"> Сонымен қатар, &laquo;Сарыарқа&raquo; мен &laquo;Торпедо&raquo; клубтары Жоғары хоккей лигасында бақ сынауда. Тарихы жиырмасыншы ғасырдың ортасынан бастау алатын өскемендік команда үшін үздік көрсеткіш ширек финал болып саналады. Шығыс аймағында өнер көрсететін олар жыл сайын плэй-оффқа шыққанымен, көбіне 1/8 финалдан кері қайтады. &laquo;Торпедоны&raquo; ЖХЛ-ның ортаңқол командасы деуге болады. Алайда бұл ұжым Қазақстан чемпионатын 13 рет ұтып алған, сондай-ақ, екі рет ел кубогында топ жарған. Биылғы маусымда өскемендіктер 1/8 финалда қарағандылық &laquo;Сарыарқаға&raquo; жол берген еді. Жалпы, ресейлік хоккей лигаларында осы маусымда жарыс жолынан шықпаған тек - &laquo;Сарыарқа&raquo;. Биыл құрылғанына он жыл болатын аталмыш команда бүгінге дейін талай жетістікке қол жеткізген. &laquo;Сарыарқаның&raquo; соңғы үш маусымдағы жетістіктері мынадай:&nbsp;</p> <p style="text-align: justify;"> ЖХЛ бірегей чемпионатының жеңімпазы &ndash; 2012/13</p> <p style="text-align: justify;"> Братина кубогының финалисі &ndash; 2012/13</p> <p style="text-align: justify;"> Жоғары хоккей лигасының чемпионы &ndash; 2013/14</p> <p style="text-align: justify;"> Братина кубогының иегері &ndash; 2013/14</p> <p style="text-align: justify;"> ЖХЛ &laquo;Бірегей Чемпионатының Жеңімпазы&raquo; Кубогының иегері &ndash; 2014/15</p> <p style="text-align: justify;"> Жоғары хоккей лигасының қола жүлдегері &ndash; 2014/15</p> <p style="text-align: center;"> <img alt="" src="/cms/uploads/images/image50826.jpg" style="width: 600px; height: 334px;" /></p> <p style="text-align: justify;"> 2001/12 жылы елордалық &laquo;Астана&raquo; баскетбол клубы Орта Азия командаларынан бірінші болып ВТБ Бірегей лигасында өнер көрсетті. Былтыр ширек финалға дейін жеткен олар 2014/15 жылғы маусымда Еурочелленджге жолдама алған болатын. Дегенмен астаналық баскетболшылар бүгінде халықаралық ареналарда үлкен табыстарға жете қойған жоқ. Есесіне, &laquo;Астана&raquo; Қазақстан чемпионатында төрт рет &laquo;алтын&raquo; жүлде иеленіп, сонша рет ел кубогында жеңімпаз атанды.&nbsp;</p> <p style="text-align: justify;"> Тағы бір баскетбол командасы былтырғы маусымды Ресей Суперлигасында өткізген болатын. Дегенмен, &laquo;Алматинский Легион&raquo; 30 ойынның екеуін ғана жеңіп, турнир кестесінде соңғы орын еншілеген еді. Сондықтан, биыл алматылықтар тек Қазақстан чемпионатында өнер көрсетуде. Мұнда да команданың жолы болар емес. &laquo;Алматинский Легион&raquo; Ұлттық лигада бес команданың ішінен төртінші орында келеді.&nbsp;</p> <p style="text-align: center;"> <img alt="" src="/cms/uploads/images/18basket.jpg" style="width: 600px; height: 400px;" /></p> <p style="text-align: justify;"> Ал &laquo;Барсы Атырау&raquo; баскетболдан Балтық лигасында еліміздің намысын қорғауда. Әйтсе де, атыраулықтардың жағдайы аса мәз емес. Биылғы маусымда олар 12 ойыннан соң 15 ұпай жинап, алтыншы орында келеді. Ал Балтық лигасының кубогында 1/8 финалдан кері қайтқан болатын. Ал Қазақстан чемпионатында атыраулықтар көш бастап тұр.&nbsp;</p> <p style="text-align: justify;"> Орталдық &laquo;Ақжайық&raquo; командасы допты хоккейден Ресейдің жоғары лигасында өнер көрсетіп жүр. Әрине, оралдықтар әзірше Ресейге барып, жүлделі орын ала қойған жоқ. Биыл команда финалдық кезеңге жолдама алғанымен, &laquo;Ақжайық&raquo; әзірге бес ойыннан соң ұпай жинай алмай, соңғы орында тұр. Ал әлемдегі хоккей клубтарының рейтингісінде 73-орында келе жатыр.&nbsp;</p> <p style="text-align: justify;"> Жерлестеріміздің шетелдік ареналардағы көрсеткіші осындай. Көп командалар ел чемпионатымен бірге, шетелдік лигаларды да қатар алып жүр. Сондықтан, халықаралық лигаларда топ жаратын қазақстандық командаларды көретін күн алыс емес.&nbsp;</p> <div> &nbsp;</div>