Денис Тен Люксембургтегі жарыста екінші орын еншіледі

<p style="text-align: justify;"> <strong>Сочидегі Олимпиада ойындарының қола жүлдегері Денис Тен Люксембург қаласында өткен &laquo;Coupe du Printemps&raquo; жарысында екінші орын алды.</strong></p> <p style="text-align: justify;"> ҚазАқпараттың мәлімдеуінше, жарыстың бірінші күніндегі қысқа бағдарламада қазақстандық мәнерлеп сырғанаушы 86,95 ұпай жинап, үздік атанды. Еркін бағдарлама қорытындылары бойынша Денис Тен 133,09 ұпаймен төртінші орында болды.</p> <p style="text-align: justify;"> Жарыстың жалпы кестесінде қазақстандық спортшы 220,04 ұпаймен екінші орын алды. Жарыстың бас жүлдесін Бельгия спортшысы Йорик Хендрикс иеленсе, үшінші орынға жапондық Такахито Мура лайықты деп танылды.</p> <p style="text-align: justify;"> Қазақстандық спортшының алған жарақатынан кейін қалпына келмегендіктен&nbsp;бұл жарысқа дайын болмағанын атап өту керек. Алайда жарысқа қатысу шешімін қабылдауға еркін бағдарламаның ауысуы себеп болған. Денис үшін 28 наурыз бен 3 сәуір аралығында Бостонда өтетін әлем чемпионатының алдында жаңа бағдарламаны орындау қажет болды.</p> <p style="text-align: justify;"> Бұған дейін Денис Тен төрт құрлық чемпионатына жарақаты салдарынан қатысқан жоқ.&nbsp;</p> <p> &nbsp;</p>