Михаил Кукушкин Новак Джоковичке қарсы бес партияға шыдады

<p style="text-align: justify;"> <strong>Белградта өтіп жатқан Дэвис кубогының 1/8 сайысында Сербия мен Қазақстан арасындағы төртінші кездесуде әлемнің бірінші ракеткасы Новак Джокович пен дүниежүзілік сатыда 79-ыншы орында тұрған Михаил Кукушкин күш сынасты.</strong></p> <p style="text-align: justify;"> ҚазАқпараттың мәлімдеуінше, рейтингтегі айырмашылыққа қарамастан, аталмыш матч аса тартысты өрбіді. Бірінші партияда қазақстандық теннисші тайбрейкте жеңіске жетсе, екіншісінде сербиялық ойыншы осындай сәтті құр жібермеді. Үшінші партияда М.Кукушкин 6:4 есебімен қарсыласын ұтса, төртіншісінде 6:3 есебімен Н.Джокович есепті теңестірді. Бесінші, шешуші партияда Новак екі мәрте брейк жасап, 6:2 есебімен қазақстандық теннисшіні тізе бүктірді.</p> <p style="text-align: justify;"> Сөйтіп бес сағатқа жуық уақытқа созылған кездесуде М.Кукушкин атақты қарсыласына қатты қарсылық көрсеткенімен, Н.Джокович 3:2 есебімен жеңіске жетті. Қазақстан-Сербия арасындағы есеп қайтадан (2:2) теңесті.</p> <p style="text-align: justify;"> Енді соңғы, шешуші кездесуде қазақстандық Александр Недовесов пен сербиялық Виктор Троицкидің қай жеңгені өз командасын келесі айналымға шығарады.</p>