Дэвис кубогында барлығы болуы мүмкін - Досқараев

<p> <strong>Қазақстан құрамасының капитаны Диас Досқараев, командадағы жігіттерге сенім артатынын және жеңіс жолында барын салатындарын айтты</strong>.</p> <p> &laquo;Новак Джоковичтей көзірі бар команда, кіммен кездессе де ойынның фавориті болып саналады. Бүгінгінің мықтылары Надаль мен Федерер де, Джоковичтен жеңіліп жүр. Дегенмен, Дэвис кубогындағы атмосфера мүлде бөлек, мұнда барлығы болуы мүмкін. Сербияның ғана емес, біздің де жеңіске дәмеміз бар&raquo;, - деп атап өтті Диас Досқараев.</p> <p> Естеріңізге сала кетейік 4-6 наурыз аралығында Белградта Сербия мен Қазақстан құрамалары Дэвис кубогының 1/8 финалында жолығады. Сербиялықтар бұл ойынға өздерінің көшбасшылары Новак Джоковичті қосқан болатын. Ал Қазақстан құрамасы сабында Михаил Кукушкин, Андрей Голубев, Александр Недовесов және Дмитрий Попко бар.</p>