Дохада өтетін турнирде Қазақстанның үш теннисшісі бақ сынайды

<p style="text-align: justify;"> <strong>21-27 ақпан аралығында Катардың Доха қаласында әйелдер арасында өтетін теннистен халықаралық турнирге Қазақстанның үш бірдей өкілі қатысады.</strong></p> <p style="text-align: justify;"> ҚазАқпараттың мәлімдеуінше, Қазақстанның бірінші, әлемнің 57-інші ракеткасы Юлия Путинцева алғашқы айналымда словакиялық, 1994 жылғы Анна Шмидловамен кездеседі. Биылғы сәтсіз өткен жарыстардан кейін дүниежүзілік рейтингте 69-ыншы сатыға дейін сырғып кеткен Зарина Дияс Латвия елінің өкілі, 1997 жылғы Елена Остапенкомен кортқа шығады. Ал әлемнің 82-інші ракеткасы Ярослава Шведова жапониялық, 1994 жылғы Нао Хибиномен күш сынасады.</p> <p style="text-align: justify;"> Жүлде қоры 2,818 млн. АҚШ долларын құрайтын турнирдің бірінші ракеткасы - Австралия ашық чемпионатының биылғы жеңімпазы, неміс теннисшісі Анжелика Кербер.</p> <p style="text-align: justify;"> Еске сала кетейік, Шведова осының алдында Дубайда өткен ірі халықаралық турнирдің іріктеу сайыстарынан өтіп, әлемнің 13 ракеткасы, итальяндық Роберта Винчиді жеңгенімен, содан кейін дүниежүзілік рейтингте 22-сатыда тұрған Италия елінің тағы бір өкілі Сара Эрраниден өте алмады. Кеше осы С.Эррани Дубай турнирінің жеңімпазы атанды.&nbsp;</p> <p> &nbsp;</p>