Ермахан Ибраимов: «Ғылыми, спорттық медицинаның көмегімен екі дүркін Олимпиада чемпионы болар едім»

<div style="text-align: justify;"> <strong>Сидней Олимпиадасының чемпионы Ермахан Ибраимов Бүкіләлемдік бокс академиясында &laquo;Аруана&raquo; көпатқарымдық сауықтыру орталығының ашылу рәсіміне қатысты.</strong></div> <div style="text-align: justify;"> &nbsp;</div> <div style="text-align: justify;"> &laquo;Біздің кезімізде боксшылардың спорттағы жолы қысқа болды ғой. Физикалық мүмкіндігімен, жігерімен, бапкерлердің күшімен чемпион болып жүрді. Ол кезде 30 жасқа дейін мүмкіндігіңді көрсетсең көрсеттің, көрсетпесең, &laquo;сау бол&raquo; дейтін. Ал қазір, ғылымға негізделген, инновациялық технологиялар мен бейстандарттық әдістемелермен қамтылған спорттық медицинаның арқасында спортшының спорттағы өмірін ұзартуға мүмкіндік ашылды. Енді, боксшылардың спорттағы жасы 35, бәлкім 36-37 жасқа дейін ұзарса деген ойымыз бар. Мен мысалы, 24 жасымда Атланта Олимпиадасының қола жүлдегері атандым. 2000 жылы - 28 жасымда Сидней Олимпиадасында жеңіс тұғырына көтерілдім. Ал егер, менің кезімде Қазақстанда ғылымға негізделген, заманауи, спорттық медициналық орталық болғанда, екі дүркін Олимпиада чемпионы болуға толық мүмкіндігім болар еді. Әйтпесе, 32 жас - ер азаматтың нағыз пісіп жетілген кезі ғой. Біржан Жақыпов қазір 32 жаста. Оның әлі де жоғары жетістікке қол жеткізер мүмкіндігі зор&raquo;, - деді Ермахан Ибраимов ҚазАқпарат&raquo; тілшісіне берген сұхбатында.</div> <div style="text-align: justify;"> &nbsp;</div> <div style="text-align: justify;"> Айта кетелік, алдағы наурыз айынан бастап, бокстан жастар және жасөспірімдер ұлттық құрама командалары аталмыш орталық мамандарының ақыл-кеңесін алатын болады.</div>