Скотт Мактоминей командалық жаттығуға қайта оралды

«Наполи» мен Шотландия құрамасының жартылай қорғаушысы Скотт Мактоминей командаластарымен бірге жаттығуға қайта кірісті, деп хабарлайды Prosports.kz.

29 жастағы футболшы жүрегіне жасалған операциядан кейін толық қалпына келіп, жалпы топпен жаттығуға кірісті.

Өткен айда Мактоминей Манчестерде жүрек ырғағының бұзылуын емдеуге арналған аз инвазивті процедура — радиожиілікті абляциядан өтті. Операция сәтті өтіп, футболшы оңалту кезеңін бастады.

Шотландиялық ойыншының денсаулығына қатысты мәселе тамыз айында анықталған. А сериясындағы «Комоға» қарсы матч кезінде оның жүрек ырғағы аздап бұзылып, 56-минутта алаңнан кетуге мәжбүр болды.

Енді Мактоминей командамен бірге толыққанды жұмысқа қайта оралды.

«Наполи» ресми мәлімдемесінде:

«Сәрсенбі күні Скотт Мактоминей қосымша диагностикалық тексеруден өтті. Оның нәтижесі футболшының ойынға дайын екенін көрсетті. Осылайша, “Наполи” ойыншысы жеке жаттығулар өткізгеннен кейін команданың қалған мүшелерімен бірге жаттығуға қайта кірісті», – делінген.