Жібек Құлымбетова Азия ойындарының қола жүлдегері атанды
Қазақстандық спортшы Жібек Құлымбетова Жапонияның Айти және Нагоя қалаларында өтіп жатқан 2026 жылғы Азия ойындарының жүлдегері атанды. Құрама өкілі джиу-джитсудан өткен жарыста үшінші орынға ие болды, деп хабарлайды Prosports.kz.
Құлымбетова 48 келіге дейінгі салмақта өнер көрсетті. Қола медаль үшін болған жекпе-жекте ол Оңтүстік Корея өкілі Хуивон Чонмен кездесті.
Негізгі белдесу 2:2 есебімен тең аяқталды. Жеңімпазды анықтау кезінде қосымша көрсеткіштер ескеріліп, бұл көрсеткіштер бойынша қазақстандық спортшының басымдығы анықталды. Осылайша, Құлымбетова Азия ойындарының қола жүлдегері атанды.
Бұл медаль Қазақстанның осы Азия ойындарындағы джиу-джитсудан алған екінші жүлдесі болды. Бұған дейін 69 келіге дейінгі салмақта Нұржан Батырбеков күміс медаль иеленген еді